ܒܓܘ ܫܫܠܬܐ ܕܠܩܝ̈ܬܬܐ ܕܣܝܡ ܠܗ ܓܒܐ ܕܚܘܝܕܐ ܣܘܪܝܝܐ. ܣܥܪ ܬܫܕܪܬܐ ܡܢ ܓܒܐ ܢܩܙܬܐ ܕܡܘܬܒܐ ܐܬܪܝܐ ܟܘܪܕܝܐ ܒܩܡܫܠܝ.
ܘܐܝܬ ܗܘܐ ܒܬܫܕܪܬܐ ܣܥܘܪܬܐ ܟܠ ܡܢ ܪܝܫܘܬܐ ܙܘܓܝܬܐ ܕܓܒܐ ܣܢܚܪܝܒ ܒܪܨܘܡ ܘܫܡܝܪܡ ܕܢܚܐ ܘܗܕܡ̈ܐ ܕܓܘܫܡܐ ܣܘܥܪܢܝܐ ܕܓܒܐ ܐܦܪܡ ܐܣܚܩ ܘܚܒܝܒ ܐܪܕܝܫ ܘܐܝܬ ܗܘܐ ܒܡܩܒܠܢܘܬܗܘܢ ܪܝܫܢܐ ܕܡܘܬܒܐ ܐܬܪܝܐ ܟܘܪܕܝܐ ܡܚܡܕ ܐܣܡܐܥܝܠ ܘܗܕܡܐ ܕܪܝܫܘܬܐ ܕܡܘܬܒܐ ܘܗܢܘܢ ܦܝܨܠ ܝܘܣܦ. ܦܨܠܐ ܝܘܣܦ. ܢܥܡܬ ܕܐܘܕ. ܣܠܝܡܐܢ ܐܘܣܘ. ܘܫܪܝܐ ܥܒܕ ܐܠܒܐܪܝ ܟܠܦ.
ܒܠܩܝܬܐ ܗܘܐ ܕܘܪܫܐ ܒܝܬ ܬܪܝܢ ܓܒ̈ܐ ܥܠ ܟܠ ܚܕܬ̈ܬܐ ܘܫܘܫ̈ܛܐ ܦܠܝܛܝܩܝ̈ܐ ܒܣܘܪܝܐ. ܘܐܡܪ ܟܠ ܓܒܐ ܥܠ ܚܙܝܬܗ ܡܐ ܕܗܘܐ ܗܫܐ ܒܘܗܕܐ ܕܣܘܪܝܐ. ܘܐܘܝܘ ܬܪܝܢ ܓܒ̈ܐ ܥܠ ܚܙܝܬܐ ܚܕܐ ܒܕܥܬܝܕ ܕܣܘܪܝܐ. ܒܣܝܡܐ ܕܐܬܪܐ ܕܝܡܩܪܛܝܐ ܣܓܝܝܐ ܠܐ ܢܩܙܝܐ. ܡܘܕܐ ܒܙܕܩ̈ܐ ܘܟܠ ܚܐܪܘ̈ܬܐ ܕܟܠ ܥܡ̈ܐ ܐܘܡܬܢܝ̈ܐ ܘܬܘܕܝܬܝ̈ܐ ܒܣܘܪܝܐ.
ܥܡ ܫܘܪܪܐ ܥܠ ܝܨܝܦܘܬܐ ܘܐܠܨܝܘܬܐ ܕܢܗܘܐ ܐܬܪܐ ܕܣܘܪܝܐ ܕܫܘܝܘܬܐ ܠܟܠ ܥܡ̈ܐ. ܘܡܫܬܘܬܦܢܘܬܐ ܕܟܠ ܥܡ̈ܐ ܒܡܕܒܪܢܘܬܐ ܕܐܬܪܐ ܒܡܫܩܠܐ ܚܕܬܐ. ܘܡܫܬܘܬܦܢܘܬܐ ܕܝܠܢܐܝܬ ܒܐܝܢܐ ܬܥܒܕܬܐ ܕܕܥܬܝܕ ܕܣܘܪܝܐ. ܒܟܬܝܒܬܐ ܕܢܡܘܣܐ ܘܣܝܡܐ ܕܡܕܒܪܢܘܬܐ ܚܕܬܬܐ ܘܛܘܝܒܐ ܠܓܘܒܝ̈ܐ ܓܘܢܝ̈ܐ ܒܣܘܪܝܐ. ܘܫܪܪ ܓܒܐ ܕܚܘܝܕܐ ܣܘܪܝܝܐ ܥܠ ܐܠܨܝܘܬܐ ܘܝܨܝܦܘܬܐ ܕܐܘܝܘܬܐ ܒܝܬ ܟܠ ܓܒ̈ܐ ܘܚܝ̈ܠܐ ܦܠܝܛܝܩܝ̈ܐ ܟܘܪܕܝ̈ܐ.
